"Алтынчы орунда". Бишкек кайрадан дүйнөдөгү абасы кир 10 шаардын катарына кирди

Дүйнөдөгү ири шаарлардагы абанын сапатын көзөмөлдөгөн World Air Quality мекемесинин рейтингинде Бишкек аба булганган шаарлардын катарында алтынчы орунда турат.

Саат 12:15те абанын сапатынын индекси 154 (AQI) жана PM2.5 деп белгиленген. Бишкек абадагы PM2.5 концентрациясы учурда Дүйнөлүк саламаттыкты сактоо уюму тарабынан абанын сапаты боюнча сунушталган жылдык мааниден 6 эсе жогору.

Ал эми абасы эң кир шаардын сап башына Пакистандын Лахор шаары жайгашса, экинчиге Бангладештин борбору Дакка, үчүнчүгө Индиянын Дели шаары жайгашкан.