Өлкөгө сасык тумоого каршы орусиялык вакцина алып келинди

Кыргыз өлкөсүнө орусиялык өндүрүштөгү сасык тумоого каршы Гриппол плюс вакцинасынын 14 миң 685 дозасы алып келинди. Бул тууралуу мэриянын басма сөз кызматынан Мамлекеттик санитардык-эпидемиологиялык көзөмөл борборуна шилтеме берүү менен билдиришти.

Маалыматка ылайык, бардык үй-бүлөлүк дарыгерлер борборлору алгач төмөнкү топтогу жарандарга эмдөө жүргүзөт:

- балдар үйлөрүнүн тарбиялануучуларына;

- тез-тез ооруп жүргөн балдарга;

- карылар жана майыптар үйлөрүндөгү жарандарга;

- "Тез жардам" бөлүмдөрүндө, төрөт үйлөрүндө, жандандыруу бөлүмдөрүндө, Баштапкы медициналык-санитардык жардам кызматында иштегендерге;

- үй-бүлөлүк дарыгерлерге;

- 65 жаштан ашкан адамдарга.

"Дүйнөлүк саламаттыкты сактоо уюмунун сунуштарына ылайык, коронавирус инфекциясына жана сасык тумоого каршы эмдөөлөрдүн аралыгы кеминде 14 күн болушу керек", - деп айтылат маалыматта.