Садыр Жапаров Жоламан Шаршенбековго: "Жоламан баатыр! Билгенге алтынга тете жеңиш болду"

Өлкө башчы Садыр Жапаров Ослодо өткөн Дүйнө чемпиондугунда күмүш байгеге ээ болгон балбан Жоламан Шаршенбековду куттуктады. Куттуктоо сөзүн пезидент социалдык тармактагы баракчасына жазды.

"Жоламан баатыр! Дүйнө чемпиондугунда күмүш байге алышың менен куттуктайм! Билгенге алтынга тете жеңиш болду. Балбаныбыз Жоломан Шаршенбеков финалда татыктуу, бүйүр кызыткан кармаш көрсөттү. Бул чемпиондукка катышып байгелүү орундарды ээлеген бардык спортчуларыбызды, аларды килемге даярдап алып чыккан машыктыруучуларды дагы бир жолу куттуктайм! Спортчуларыбыз багындырчу ийгиликтер алдыда. Өз кезегинде мамлекет ата мекендик спортко ар тараптуу колдоо көрсөтүүсүн уланта бермекчи", - деп жазылды өлкө башчынын куттуктоосунда.

Жоламан Шаршенбеков Дүйнө чемпиондугунун финалында Виктор Чобануга 9:3 эсебинде жеңилип калган.