Ысык-Көл облусунда үч тонна көмүр күйүп кетти

Ысык-Көл облусунда үч тонна көмүр күйдү. Бул тууралуу ӨКМнын басма сөз кызматынан билдиришти.

Маалыматка ылайык, 14-октябрь күнү саат 18:40 чамасында Корумду айылынын Осмонов көчөсүндө жайгашкан турак үйдүн кампасы күйүп жатат деген маалымат келип түшкөн.

Жерине Ысык-Көл районунун №35 өрткө каршы куткаруу бөлүмүнөн 1 бригада тартылып, саат 20:08де чектөөгө алынып, саат 20:44тө толугу менен өчүрүлгөн.

Жалпысынан 125 чарчы метр кампа, 5 куб метр тактай жана 3 тонна көмүр күйгөн.

Өрттүн келип чыгуу себеби электр зымдарынын кыска туташуусу болгон.