Мамлекет жетекчилери Кыргыз эл акыны Майрамкан Абылкасымованы эскеришти

Мамлекет жетекчилери Кыргыз эл акыны Майрамкан Абылкасымованы эскеришти. Бул тууралуу президенттик администрациянын басма сөз кызматынан билдиришти.

85 жаш курагында Кыргыз Республикасынын эл акыны, Бүткүл союздук Ленин комсомолу сыйлыгынын жана Токтогул атындагы мамлекеттик сыйлыктын лауреаты, Жазуучулар союзунун мүчөсү Майрамкан Абылкасымова узакка созулган оорудан соң дүйнөдөн кайтты.

"Таланттуу акын, ар тараптуу, адамдык сапаты да бийик инсан Майрамкан Абылкасымованын жаркын элеси элибиздин жүрөгүндө түбөлүккө сакталат.

Маркумдун үй-бүлөсүнө, туугандарына жана досторуна терең кайгыруу менен көңүл айтабыз жана орду толгус жоготуунун оор кайгысын бирге бөлүшөбүз", - деп жазылат эскерүүдө.

Садыр Жапаров, Акылбек Жапаров, Эдил Байсалов, Сүйүнбек Касмамбетов, Акылбек Жаманкулов, Галина Байтерек.