Дача Су кырсыгында жакындарын жоготкон Байнур Куштарбеков визажист Гоар Аветисяндын шоусуна катышууда

20 жаштагы Байнур Куштарбеков визажист Гоар Аветисяндын шоусуна катышууда. Анын сынакка чыгып жатканын ютуб каналда жайгаштырылган шоу-программадан көрүүгө болот.

Шоунун акыркы сынагында катышуучулар келиндин образын көрсөтүшү керек болгон. Ал эми калыстар тобу жыйынтыгында Байнур Куштарбековду сынактан четтетүү чечимин чыгарышкан.
Бирок визажист Гоар Аветисян добушун Байнурга берген. Ал калыстар тобунун мүчөсү катары долбоорго бир катышуучуну калтыруу мүмкүнчүлүгүнө ээ болгон.
Байнур Куштарбеков Гоар Аветисян сөз сүйлөп бүткөндөн кийин эсин жоготуп жыгылган.

Белгилей кетсек, Байнур Куштарбеков Дача Су кырсыгында жакындарын жоготкон.

"Учак кырсыгынан кийин каалаган убакта жашоо токтоп каларын түшүндүм. Ошондуктан мен сүйгөн ишим менен алектенип, максатыма жетүүнү чечтим", - деп шоу учурунда айтып берген.

Мындан тышкары бул тармакка кызыккандыгы үчүн көптөгөн шылдыңдоолорго жана басынтууларга кабылганын кошумчалады.