Караколдо жүргүнчүлөрдү ташыган айдоочуларга кышка даярдык көрүү эскертилди

Ысык-Көл облусунун Каракол шаарында жүргүнчүлөрдү ташыган айдоочуларга кышка даярдык көрүү эскертилди. Бул тууралуу облустук милициядан билдиришти.

Билдирүүгө ылайык, кезигүүнүн негизги максаты унааларды кышкы мезгилге даярдоо.

"Баарынан мурун унаанын техникалык абалына, жарык берүүчү жана терезе тазалоочу шаймандардын, электр зымдарынын, аккумулятордун зарядынын туура иштеп жатканына өзгөчө маани берилиши керек. Ошондой эле айдоочулар унааны кышында айдоо ыкмасына өздөрүн психологиялык жактан даярдаш керек. Күзгү-кышкы мезгилде жолдо жүрүүнү өзгөчө көӊүлгө алып, жол эрежесинин талаптарын кыйшаюсуз аткарууга милдеттүү. Унаалар арасында тийиштүү аралыкты сактап, катардан катарга тез которулуудан сак болуп, жол коопсуздугуна өзгөчө маани менен кайрылуу туура болот", - деп жазылат маалыматта.