Партиялар парламенттик шайлоого 1 046 талапкерди көрсөттү. Алардын 377си аял

Мыйзамга ылайык, саясий партия бирдиктүү шайлоо округу боюнча 54 талапкерден ашпаган санда талапкерлердин тизмесин көрсөтө алат. Бул учурда ал төмөнкүдөй өкүлчүлүктү эске алууга тийиш:

• бир жыныстагы талапкерлердин 70 пайыздан ашпоосун, мында саясий партиялардан көрсөтүлгөн аял жана эркек талапкерлердин тизмесиндеги кезектешүү айырмасы үч позициядан ашпоосун;
• 35 жаштан ашпаган талапкерлердин 15 пайыздан кем болбоосун, мында алардын ичинен кеминде 3 талапкер алгачкы 25 талапкердин тизмесине киргизилиши керек;
• ар кандай этносторго таандык талапкерлердин 15 пайыздан кем болбоосун, мында алардын ичинен кеминде 3 талапкер алгачкы 25 талапкердин тизмесине киргизилиши керек;
• кеминде 2 талапкердин - ден соолугунун мүмкүнчүлүктөрү чектелген адамдардан болуусун, мында булардын бири биринчи 25 талапкердин тизмесине киргизилиши керек.

"БШК талапкерлердин тизмеси көрсөтүлгөндөн кийин анын курамы жана андагы талапкерлердин жайгашуу тартиби өзгөртүлбөйт. Талапкер талапкерлердин тизмесинен чыгып кеткен учурда мурунку талапкердин номери башка талапкер тарабынан толукталбайт", - деп жазылат маалыматта.

Тизмелерди 21 саясий партия көрсөттү. Көрсөтүлгөн талапкерлердин жалпы саны 1 046.

Алардын ичинен:

• эркек - 669;
• аял - 377;
• майыптыгы бар талапкерлердин саны – 46;
• башка улуттун өкүлдөрү -189;
• 267 талапкердин жаш курагы 35тен ашпайт.