Ички иштер министри Улан Ниязбеков Кореяда өтүп жаткан саммитке катышууда

Ички иштер министри Улан Ниязбеков Корея Республикасынын борбор шаары Сеулда “Заманбап шарттарда полициялардын өнөктөштүгү” аттуу темада өтүүчү полициялардын жетекчилеринин эл аралык саммитине катышууда. Бул тууралуу ИИМдин басма сөз кызматынан билдиришти.

Маалыматка ылайык, аталган саммит заманбап шартта дүйнө коопсуздугун камсыздоо боюнча ар кайсы мамлекеттердин полицияларынын жетекчилеринин ой-пикирлерин жана алдыңкы тажрыйбаларын алмашуу максатында Корея Республикасынын полиция улуттук агенттиги тарабынан уюштурулган.

Аталган саммиттин алкагында Ички иштер министрлигинин жетекчиси Улан Ниязбеков, Корея Республикасынын полициясынын генералдык комиссары Ким Чанг Ёнг жана башка мамлекеттердин полицияларынын жетекчилеринин катышуусунда «Korea Police World Expo» полициялардын кийиминин үлгүлөрүнүн көргөзмөсү болуп өтүп, Корея полициясынын материалдык-техникалык жабдыктары менен таанышты.