Токмок шаарында бүгүндөн тартып жылуулук бериле баштады

Токмок шаарында бүгүн, 21-октябрдан тартып турак үйлөргө, мекемелерге жылуулук бериле баштады. Бул туурасында аталган шаардын мэриясынан кабарлашты.

Мекеменин билдирүүсүндө бүгүндөн баштап абанын температурасынын олуттуу төмөндөшү күтүлүүдө, андыктан "Токмок жылуулук камсыздоо ишканасы" филиалы жылытуу мезгилин баштады деп айтылат.

"Тез жардам командалары шаардын айланасында нөөмөттө болушат. Үйлөрдүн үстүңкү кабаттарынын жылытуучу түзүлүштөрүндө жайгашкан крандар аркылуу жылытуу системинен абаны чыгаруу зарыл экенин эскертебиз. Бул шаардыктардын батирлерине жылуулук берүү процессин тездетет", - деп айтылат билдирүүдө.

Эгерде авариялык абал жаралса, "Тез жардам" кызматына төмөнкү телефон аркылуу кабарлашыңыз. Байланыш номерлери: 0557 557 812, 0557 557 210.