Супер-Инфо
super.kg видео
Садыр Жапаров Пакистанда жер титирөөдөн каза болгондорго байланыштуу өкмөт башчыга көңүл айтты
Президент Садыр Жапаров Пакистан Ислам Республикасынын премьер-министри Имран Ханга жер титирөө учурунда адамдардын курман болгондугуна байланыштуу көңүл айтты. Бул тууралуу президенттин администрациясынан билдиришти.
"Белуджистан провинциясынын Харнай районундагы катуу жер титирөөнүн кесепетинен адамдардын каза болгондугу жөнүндө суук кабарды терең кайгыруу менен кабыл алдым.
Кыргыз өлкөсүнүн элинин жана жеке өзүмдүн атымдан табигый кырсыктан курман болгондордун үй-бүлөлөрүнө жана жакындарына көңүл айтуу менен жабыркагандардын тезирээк сакайып кетишин каалайм", - деп айтылат мамлекет башчысынын телеграммасында.
Белгилей кетсек, буга чейин Пакистандын Белужистан провинциясында катуу жер титирөө катталып, кеминде 20 адам каза болуп, 300дөй адам жаракат алган.
0