Бишкек-Ош унаа жолунда жүк ташуучу унаалардын каттамына чектөө киргизилди

Бишкек-Ош унаа жолунда жүк ташуучу унаалардын каттамына чектөө киргизилди. Транспорт министрлигинин маалыматы боюнча, чектөө 21-октябрда саат 19:00дөн баштап киргизилген.

"Учурда жолдун ашуу тилкелеринде жолдун жүрүүчү бөлүгүн тазалап, кум төгүлүүдө. Төө-Ашуу ашуусунда кардын калыңдыгы 10-15 сантиметр, Ала-Бел ашуусунда 20-25 сантиметрди түзөт. Кар жаап жатат.

Бардык керектүү техникалар тартылган, транспорттордун ашуулардан коопсуз өтүүсү үчүн инерттик материалдар кошулууда. Биз айдоочуларды унаанын дөңгөлөктөрүндө чынжыр тагууга, каршы тилкеге ​​чыкпоого (тыгында) жана атайын техниканын өтүүсүнө тоскоолдук кылбоого чакырабыз. Эч кандай учурда жайкы дөңгөлөктөр менен айдоого болбойт, анткени ашууларда муз бар", - деп айтылат билдирүүдө.

Ашууларда кар көчкү астында калбоо үчүн унаалардын ортосунда 500 метр аралыкты сактап, таш кулаган жерлерде сак болууга чакырат министрликтен.