Таалатбек Масадыков Пакистанга барды. Анда Ооганстандагы абал талкууланды

Коопсуздук кеңешинин төрагасынын орун басары Таалатбек Масадыков Пакистандын премьер-министринин улуттук коопсуздук боюнча кеңешчиси Моид Юсуф менен жолугушту. Бул тууралуу Тышкы иштер министрлигинен билдиришти.

Маалыматта сүйлөшүүнүн жүрүшүндө тараптар Ооганстандагы жана анын айланасындагы кырдаалды, аймактык коопсуздук маселелери талкууланганы жазылат.

"Эки тарап тең Ооганстандагы кырдаалды эртерээк турукташтыруунун маанилүүлүгүн жана регионалдык коопсуздукту камсыздоо үчүн эл аралык коомчулуктун аракеттерин бириктирүү зарылдыгын белгилешти", - деп айтылат маалыматта.