Массалык уулануудан кийин өлкөнүн бардык аймагындагы тамак-аш сатуучу жайлар текшерүүгө алынат

Бишкекте массалык түрдө тамак-аштан ууланган соңку окуяга байланыштуу Мамлекеттик санитардык-эпидемиологиялык көзөмөл борборлорунун адистери өлкөнүн бардык аймагындагы тамак-аш сатуучу жайларды текшерет. Бул тууралуу Саламаттыкты сактоо министрлигинин басма сөз кызматынан билдиришти.

Маалыматка ылайык, азык-түлүк өндүргөн же саткан объектилерди текшерүүгө тыюу салуу алып салынды. Текшерүүгө тыюу салган мораторий 2018-жылдын аягынан бери иштеп келген.

Өзгөртүүлөргө ылайык, тамак-аш азыктарын өндүрүү жана жүгүртүү (сактоо, ташуу, сатуу) объектилеринде Кыргыз өлкөсүнүн тамак-аш азыктарынын коопсуздугу жаатындагы техникалык регламенттеринин жана башка ченемдик укуктук актыларынын талаптарынын сакталышын текшерүүгө мораторий киргизилди.

Эскерте кетсек, Бишкекте 23-октябрдан 24-октябрга караган түнү 12 адам жугуштуу оорулар ооруканасына кайрылган. Жабырлануучулар шаардагы "Империя пиццы" тамактануучу жайынан тамактанганын айтышкан.

Бүгүнкү күндө тамакка уулангандардын саны 85ге жетти. Бул тууралуу Саламаттыкты сактоо министрлигинин басма сөз кызматынан билдиришти.