Нарында 4 миң сомго чейин. Монополияга каршы кызматы аймактардагы көмүргө койгон баалары

Бүгүнкү күндө Бишкек шаарында кампаларда сатылган көмүрдүн чектүү баасы (эң жогорку) 4 500 сомду түзөт. Бул тууралуу маалымат жыйында Экономика жана финансы министрлигинин алдындагы Монополияга каршы жөнгө салуу мамлекеттик агенттигинин директору Кеңешбай Тайлаков билдирди.

Анын айтымына караганда, аймактардагы көмүрдүн эң жогорку баалары белгиленди:

Чүй облусунда 4 500 сомдун тегерегинде;

Ош облусунда 6 миң сомдун айланасында;

Жалал-Абад облусунда 6 500 сомго чейин;

Нарын шаарында - 3 900-4000 сомго чейин;

Караколдо - 5200дөн 6 миңге чейин;

Талас облусунда - 5 300;

Баткен облусунда - 8 500 (Сүлүктү шахтасынын көмүрү); башкалары 6 миңден жогору болбойт.

"Аймакта көмүр менен камсыз кылуу максатында жер-жерлерде тийиштүү комиссиялар түзүлдү. Алар өз иштерин жүргүзүүдө.

Ар бир кампанынын эсебин алып жатабыз. Эки-үч күндүн ичинде биздин койгон баа менен сатуу боюнча тапшырмалар берилди. Ишемби күнү Бишкек шаарындагы кампаларды кыдырып чыктык.

Бир аптанын ичинде баарын иретке келтиребиз.

Биз жалгыз эле көмүрдүн баасын жөнгө сала албайбыз. Ошондуктан жергиликтүү бийликти, салык, милиция кызматын тартып жатабыз", - деди Тайлаков.