Бишкекте өспүрүмдү сүзүп качып кеткен Chevrolet унаасынын айдоочусу кармалды. Ал 19 жаштагы кыз болгон

Бишкекте өспүрүмдү сүзүп качып кеткен Chevrolet унаасынын айдоочусу кармалды. Бул тууралуу Милициянын кайгуул кызматынын басма сөз кызматы билдирди.

"2021-жылдын 29-октябрында болжол менен саат 17:00 чамасында Эркиндик бульвары жана Чокморов көчөлөрүнүн кесилишинен Chevrolet Spark үлгүсүндөгү авто унаа 2009-жылы туулган жөө адамды сүзүп качып кеткен. Натыйжада ал ооруканага жаткырылган.

Бул факты боюнча милициянын кайгуул кызматынын издөө бөлүмү ыкчам кармоо иш-чараларын жүргүзүп, натыйжада Chevrolet Spark үлгүсүндөгү авто унаанын 2002-жылы туулган Ж. аттуу кызды таап, Бишкек ШИИББинин жол кырсыктарын тергөө боюнча Тергөө кызматына өткөрүп беришкен", - деп билдиришти кайгуул кызматы.

Айдоочу кыздын унаасы убактылуу токтотуучу айып короо жайына киргизилген.