Сот Равшан Жээнбековдун бөгөт чарасын өзгөртүү боюнча арызды канааттандырган жок

Саясатчы Равшан Жээнбековдун бөгөт чарасын өзгөртүү боюнча арыз бүгүн, 3-ноябрда Биринчи Май райондук сотунда каралды. Соттун чечимине ылайык, Равшан Жээнбеков абакта калтырылды. Бул туурасында Биринчи Май райондук сотунун маалымат кызматынан белгилешти.

"Жактоочу Замир Жоошев Жээнбековдун чет өлкөгө барып дарылануусу, Кой-Таш окуясындагы иштерди бөлүп кароосу боюнча өтүнүч келтирген. Судья адвокаттын арызын канааттандырган жок. Кийинки соттук отурум 1-декабрга белгиленди", - дешти басма сөз кызматынан.

Равшан Жээнбеков Кой-Таш окуясы боюнча бир нече фактылар боюнча шектелип камакка алынган. Ал парламенттик шайлоого бир мандаттуу шайлоо округунан талапкерлигин көрсөтүп, БШК саясатчынын документтерин каттоодон өткөргөн.

Өлкөдө Жогорку Кеңештин депутаттарын шайлоо 28-ноябрга белгиленген.