Өлкөдө айымдардын бош убактысы мырзалардыкына салыштырмалуу азбы? Статистика

Өлкөдө аялдар эркектерге караганда үй иштерине жана балдарды тарбиялоого 4 эсе көп убакыт жумшашат. Бул тууралуу Улуттук статистика комитетинин расмий сайтында көрсөтүлөт.

Мындай маалымат үй-бүлөнүн 12 жана андан улуу жаштагы бардык мүчөлөрүнүн өткөн суткаларда убакыттын суткалык фондун колдонуу тууралуу 1649 үй чарбасынын тандалма сурамжылоосунун жыйынтыктарынын негизинде жарыяланды.

* Суткалык фонддун убакытынын 48 пайыздан ашыгын 12 жаштан жогорку калк уктоого, жеке өзүнө кам көрүүгө, өзүн өзү кароого, үйдө жана үйдөн тышкары тамактанууга, мончолорго, чач тарачтарга, клиникаларга жана башка муктаждыктарга байланыштуу физиологиялык муктаждыктарын канааттандыруу үчүн жумшашат.

* 16 пайыздан көбү бош убактысына жана 14 пайыздан ашыгы жумуш убактысына жана жумуш менен байланышкан убакытка калтырылат.

* Үй чарбасын жүргүзүүгө бир суткада орточо алганда убакыттын суткалык фондунун 12 пайызга жакыны жумшалат.

* Эркектер менен аялдардын убакытынын суткалык фондун бөлүштүрүлүшүндө ачык айырмачылыктар бар. 12 жана андан улуу жаштагы эркектер убакытынын суткалык фондунун 19 пайызын жумушка жана жумушка байланышкан убакытка сарпташат. Бул айымдарга караганда 2 саатка көп.

* Ошол эле учурда аялдардын убакытынын суткалык фондунун 21 пайызга жакыны үй чарбасын жүргүзүүгө жана балдарды тарбиялоого жумшалат. Бул эркектерге караганда дээрлик 4 саатка көп. Аялдардын бош убактысы эркектердикине караганда бир саатка аз.

Калктын убактысынын 48 пайыздан ашыгы уктоого жана өзүнө кам көрүүгө жумшалат жана бул шаарда жана айылда жашаган эркектер үчүн да, аялдар үчүн да болжол менен бирдей убакыт.