Министр Улан Ниязбеков Венада өткөн жыйында баяндоо жасады

Ички иштер министри Улан Ниязбеков Европадагы Коопсуздук жана кызматташтык уюмунун улуттук азчылыктар боюнча жогорку комиссарынын 15-жыйынына катышты.

Министрликтин маалыматына ылайык, Австриянын Вена шаарында өткөн улуттук азчылыктар боюнча 15-конференцияда дүйнөдөгү улуттук азчылыктардын көйгөйлөрү талкууланды.

"Анда Улан Ниязбеков баяндоо сөзү менен чыгып, Кыргыз Республикасынын Ички иштер министрлиги этникалык азчылыктардын кызыкчылыктарын коргоо боюнча көрүп жаткан чаралар жана алар менен туруктуу негизде улуттар аралык жаңжалдарга бөгөт коюу иш-аракеттери тууралуу маалымдады.

Мындан тышкары Улан Ниязбеков министрлик коомчулук менен, анын ичинде Кыргыз өлкөсүнүн аймагында жашаган этникалык азчылыктардын өкүлдөрү менен кызматташууга өзгөчө көңүл бурат деп ишендирди", - деп айтылат маалыматта.