Өлкөдө калкты каттоо качан жүргүзүлөрү маалым болду

Өлкөдө эл жана турак жай фондун каттоо 2022-жылдын 25-мартынан 3-апрелине чейин өткөрүлөт. Бул тууралуу Улуттук статистика комитетинин расмий сайтында жарыяланды.

Маалыматка караганда, тиешелүү токтомго министрлер кабинетинин төрагасы Акылбек Жапаров кол койду.

"Ал эми республиканын алыскы аймактарында эл каттоо 2022-жылдын 23-апрелинен 2-майына чейин жүргүзүлөт", - деп айтылат Статкомдун маалыматында.

Эскертүү: Эл жана турак жай фондун каттоо биринчи жолу мобилдик тиркеме аркылуу электрондук форматта өткөрүлөт.

Эл каттоонун негизги максаты – калктын саны, жайгаштырылышы жөнүндө дарек алуу. Эл каттоо кыска мөөнөттө – бир нече күн же жумада өткөрүлөт.