Ош мамлекеттик университетинин ректору кызматтан алынды. Үгүт иштерине аралашкан кайсы жетекчилерге чара көрүлдү?

Министрлер кабинетинин төрагасы Акылбек Жапаров үгүт иштери башталгандан бери 10 күндүн ичинде Кыргыз Республикасынын шайлоо мыйзамдарын бузуу фактыларына жана президенттин жарлыгы жетиштүү деңгээлде аткарылбагандыгына байланыштуу төмөнкүдөй чечимдер кабыл алынганын билдирди. Бул тууралуу министрлер кабинетинин басма сөз кызматынан кабарлашты.

- Баткен облусунун Лейлек районунун мамлекеттик администрация башчысы-акими кызмат ордунан четтетилди;

- Исфана шаарынын мэрине сөгүш жарыяланды;

Мындан тышкары, Ош шаарындагы студенттердин үгүт иш-чараларына катышкандыгы үчүн;

- Ош мамлекеттик университетинин педагогика факультетинин деканы жана ошол эле факультеттин 3 окутуучусу кызматтан алынды;

- Ош мамлекеттик университетинин ректору Кудайберди Кожобеков кызматтан алынды;

- Кыргыз Республикасынын Билим берүү жана илим министри Болот Купешевге, Ош шаарынын мэри Алмаз Мамбетовго сөгүш жарыяланды.