Салык кодексинин жаңы редакциясын талкуулоо боюнча парламенттик угуу өттү

11-ноябрда Жогорку Кеңештин экономикалык жана фискалдык саясат боюнча комитети Салык кодексинин жаңы редакциясын талкуулоо боюнча парламенттик угуу өткөрдү. Бул тууралуу парламенттин басма сөз кызматынан билдиришти.

Коомдук угууга мамлекеттик органдардын, жергиликтүү өз алдынча башкаруу органдарынын, жалпыга маалымдоо каражаттарынын, бейөкмөт уюмдардын жана жарандык коомдун өкүлдөрү катышышты.

Экономика жана финансы министринин орун басары Бекболот Алиев баяндама жасап “Бүгүнкү күндө көмүскөлүү экономика өлкөнүн 40% жана салык төлөөчүлөрдүн ичинен 0,6 пайыз түзөрүн белгиледи. Бул көмүскө экономиканын чоң деңгээли мамлекет үчүн чоң көйгөйлөрдү жаратууда. Андыктан көмүскө коррупцияны кыскартуу жана салыктык жол-жоболорду санариптештирүүгө, ишкердикти жүргүзүүдө бирдей шарттарды түзүүгө багытталганын айтты.

Андан соң парламенттик угуу суроо-жооп түрүндө уланды. Катышуучулар салык кодексинин жаңы редакциясына киргизилип жаткан өзгөчөлүктөр тууралуу суроолорду беришип, сунуштарын айтышты.