БШК саясий партиялардын өкүлдөрүнүн катышуусу менен өтүүчү тегерек столдордун графигин жарыялады

Борбордук шайлоо комиссиясы саясий партиялардын өкүлдөрүнүн катышуусу менен өтүүчү тегерек столдордун графигин жарыялады. Бул тууралуу аталган комиссиянын басма сөз кызматынан билдиришти.

Жогорку Кеңештин депутаттарын шайлоого катышуу үчүн катталган саясий партиялар үчүн тегерек столдордо акысыз обо убактысын бөлүштүрүү боюнча чүчү кулак өткөрдү.

Саясий партиялардын өкүлдөрүнүн катышуусунда түз эфирде тегерек столдор 11-ноябрдан 19-ноябрга чейин КТРКда өткөрүлөт.

12-ноябрда саат 22:20да "Легалайз", "Ата-Журт Кыргызстан", "Жашасын Кыргызстан" партиясынын тегерек столу өтөт.

16-ноябрда саат 22:20да "Багыт", "Ордо", партиясынын, 17-ноябрда "Улуттар биримдиги", "Альянс", "Жашылдар партиясынын", 18-ноябрда "Мекенчил Эл", "Эл үмүтү", "Ишеним" партиясынын, 19-ноябрда "Улуу-Журт", "Социал демократтар", "Ата Мекен" партиясынын тегерек столу өтөт.