Стамбулда өтүп жаткан саммитте "Түрк дүйнөсүнүн көз карашы – 2040" документин кабыл алуу чечимине кол коюлду

Бүгүн, 12-ноябрда Стамбулда Түрк тилдүү мамлекеттердин кызматташтык кеңешинин катышуучу-өлкө башчыларынын сегизинчи саммитинин алкагында президенттер “Түрк дүйнөсүнүн көз карашы - 2040" документин кабыл алуу чечимине кол коюшту. Бул тууралуу президенттик администрациянын басма сөз кызматынан билдиришти.

Түрк дүйнөсүнүн көз карашы 2040 - бул стратегиялык документ. Ал түрк тилдүү мамлекеттердин жакынкы жыйырма жылдыкта артыкчылыктуу багыттарда, атап айтканда, коопсуздук, транспорт жана бажы, маалыматтык-коммуникациялык технологиялар, энергетика, туризм, саламаттыкты сактоо, экология, айыл чарба маданият, билим жана илим, жаштар жана спорт, диаспоралар менен иштөө жана башка тармактардагы кызматташуусун тереңдетүү боюнча "жол картасы" болуп саналат.