Садык Шер-Нияз: “Курманжан Датка” тасмасынын бет ачары 2014-жылдын апрель-май айларында болот”

Кинорежиссёр Садык Шер-Нияз 13-ноябрда SUPER.KG порталына: "Биз "Курманжан Датка” тарыхый тасманын 90 пайызын тартып бүттүк”,- деп билдирди. Айтымында, тасманын калган бөлүгү Өзбекстан жана Орусиядан тартылат.  

"Учурда уюштуруу жана коңшу мамлекеттерден уруксат алуу иштери менен жүрөбүз. Биз кыргыз көрүүчүлөрүнө 2014-жылдын апрель-май айларында “Курманжан Датка” тасмасынын бет ачарын өткөрөбүз”,- дейт режиссёр.

Мындан тышкары, тасмага бөлүнгөн 70 миллион сомдун 8-10 миллион сомуна “Кыргызфильм”  киностудиясына керектүү жабдыктар сатып алынган болсо, 10 миллион сомго жакыны тасманы тартууга чейинки даярдыкка кеткен. Ал эми калган 50 миллион сому тасманын өзүн тартууга жумшалууда.