Венесуэлада 12 миң музыкант бир убакта чыгарма аткарышты

Венесуэланын борбору Каракас шаарында 12 миң музыкант Пётр Чайковскийдин "Славян маршы" аттуу чыгармасын аткарышты. Бул тууралуу дүйнөлүк басылмалар жазышууда.

Маалыматта жазылгандай, иш-чара "Гиннесстин рекорддор китебиндеги" рекордду жаңылоо максатында уюштурулган.

Рекорддун талабы боюнча, музыканттар 5 мүнөт ичинде музыкалык аспаптарда баары бир убакта ойношу керек болчу.

"Славян маршы" чыгармасын 12 мүнөттө жаштар жана балдар оркестри ассоциациясы ойноду.

"Мен абдан толкундандым. Анткени биз чоң ишеним жана сүйүү менен ойнодук. Биз мугалимдер менен биргеликте көптөгөн тапшырмаларды аткара алабыз. Бул Венесуэланын дүйнө жүзүнө жасаган эң сонун иши", - деген катышуучулардын бири.