Дастан Бекешев УКМКга 3 саат сурак берип чыкты

Жогорку Кеңештин депутаттыгына талапкер Дастан Бекешев сурактан чыкты. Анын буга чейин Улуттук коопсуздук мамлекеттик комитетине суракка чакыртылганы маалымдалган.

Талапкер сурак 3 саатка созулганын, анда шайлоо алдындагы үгүт иштерине байланыштуу суроолор болгонун айтты.

"Суроолор шайлоонун үгүт иштерине каражатты кайдан чогултарым, каражаттар кайдан келерине байланыштуу болду. Үгүтчүлөр боюнча дагы сурашып, бул иштерге жашы жете электерди жалдаган же жалдабаганымды такташты. Мен өспүрүмдөрдү жалдабайм. Башында күбө катары суракка алышты. Андан кийин Рахим аттуу баланы чакырышты. Ал өзүнүн досуна жардам берип жүргөнү аныкталды.

Мен үгүт ишине баргам, мага үгүтчүлөр суракка чакыртылганын билдиришти. Мындан улам бул жакка келдим. Кимди чакырып, эмне кылганын билбейм", - деди ал.