Жалал-Абад шаарында кичи автобустарга жол акы көтөрүлөт

Жалал-Абад шаарында кичи автобустарга жол акысы көбөйтүү сунушу шаардык кеңештин кезексиз жыйынында колдоо тапты. Бул тууралуу шаардык мэриядан билдиришти.

Ага ылайык, мектеп окуучуларына 5 сом, пенсионерлерге 8 сом, ал эми калган жүргүнчүлөр үчүн 15 сомго көтөрүү сунушталган.

"Күйүүчү майлар менен тетиктердин баасынын жогорулаганын эске алуу менен Жалал-Абад шаарында кичи автобустардын жол акысы жогорулады.

Жол акы токтом күчүнө киргенден тарта жогорулайт", - деп билдиришти мэриядан.

Белгилей кетсек, Жалал-Абад шаарында кичи автобустар мектеп окуучулары үчүн 5 сом, пенсионерлерге 8 сом, ал эми калган жүргүнчүлөр үчүн 10 сомдон жол кире алып келет.

Бүгүнкү күндө калаада 150дөн ашык кичи автобус жүргүнчүлөргө кызмат көрсөтөт.