Европа банкы суу менен камсыздоо, саркынды сууларды чыгаруу боюнча долбоорго насыя берет

Ош облусунун Ноокат шаарында суу менен камсыздоо жана саркынды сууларды чыгаруу системасын реабилитациялоо долбоору боюнча Европа реконструкциялоо жана өнүктүрүү банкы менен насыялык макулдашууга кол коюлду. Мыйзам долбооруна өлкө башчы Садыр Жапаров кол койду дешет президенттик администрациядан.

Мекемеден кабарлашкандай, мыйзам Жогорку Кеңеш тарабынан 6-октябрда кабыл алынган. Долбоордун максаты Ноокат шаарында, ошондой эле жакын жайгашкан Фрунзе, Чапаев, Нойгут жана Арал айылдарында ичүүчү суу менен камсыздоо системасын реабилитациялоодо жана модернизациялоодо жардам көрсөтүү болуп саналат.

Долбоорду ишке ашыруунун мөөнөтү 3 жыл.