Бишкекте көмүрдү арзан баада саткан дагы бир кампа ачылды. Дареги

Бүгүн, 16-ноябрда Бишкек шаарында бир тонна көмүр Мурманская көчөсү, 1б/1 дарегинде 3 миң сомдон сатылып баштады. Ар бир үй-бүлөгө 2 тоннадан көмүр сатылмай болгону менен алуучулардын көптүгүнөн улам чектөө 1 жарым тоннага өзгөрдү.

Көмүр алабыз дегендердин саны арбын болгондуктан кошумча көмүр сатуучу кампа ачылды. Бул туурасында "Кыргыз көмүр" ишканасынан маалымдашты.

"Кошумча ачылган кампадан көмүрдүн тоннасын 3 миң сомдон алса болот. Дареги Мурманская көчөсү, 30Б. Муну менен учурда эки кампада тең көмүр сатылууда", - дешти ишкананын маалымат кызматынан.

Буга чейин өлкө башчы Садыр Жапаров Бишкек шаарындагы ЖЭБ-2 аймагындагы конуштун жашоочулары менен жолугушкан учурда көмүрдүн баасы 3 миң сом болорун айткан.