Бишкекте 13 жаштагы Адинай Жаныбекова изделүүдө. Агасы карындашы 3 күндөн бери дайынсыз экенин айтат

Бишкекте 13 жаштагы Адинай Жаныбекова дайынсыз болуп изделүүдө. Свердлов РИИБинин маалымат кызматынан кабарлашкандай, өспүрүм кыз 14-ноябрдан бери дайынсыз.

"Милиция кызматкерлерине 14-ноябрда шаар тургуну арыз менен кайрылган. Арыз ээси 2008-жылы туулган Адинай Жаныбекова аттуу карындашы ошол эле күнү саат 14:30 чамасында Сүйүнбаев-Осмонкулов көчөлөрүнүн кесилишиндеги үйүнөн чыгып кеткен бойдон кайра кайрылып келбегенин айткан", - деп айтылат билдирүүдө.

Бул факты Кылмыштардын жана жоруктардын бирдиктүү реестрине катталып, издөө иштери башталды.

Изделип жаткан кыздын белгилери: Бою 155-160 сантиметр, орто салмакта, чачы кара. Ошол күнү кара күрмө, жынсы шым жана ак түстөгү спорттук бут кийим кийип жүргөн.

Адинай Жаныбекованы көргөн, билгендер болсо кабар берип коюуну милиция кызматкерлери суранышат. Байланыш номерлери: 0 555 15-03-41 же 102.