"Ата-энеси мектепке жеткирген, бирок ал сабакка кирген эмес". Жайылда 15 жаштагы Зумрад Алиева дайынсыз болуп изделүүдө

Жайыл районунда 2006-жылы туулган Зумрад Алиева дайынсыз болуп изделүүдө. Бул тууралуу Жайыл РИИБинен билдиришти.

Милициянын маалыматына ылайык, Зумрад Алиеваны 17-ноябрда саат 07:35 чамасында ата-энеси мектепке жеткирген, бирок кыз сабакка кирген эмес, үйүнө да кайтып келген эмес.

Өзгөчө белгилери: бою болжол менен 165-170 сантиметр, көздөрү күрөң, чачы кара, кыска. Орто дене түзүлүштө, мурдунун оң жагында пирсинг бар, оң кулагында үч пирсинги бар, оң колунун сөөмөйүндө тырыгы бар.

Кийген кийимдери: капюшону бар ак толстовка, кара шым, тизеден ылдый узун, кочкул көк түстөгү күрмө, кара түстөгү баш кийим, кара бут кийим, кара түстөгү сумка.

Милиция изделип жаткан өспүрүм тууралуу маалымат билгендер болсо, төмөнкү номерлерге кайрылып коюуну өтүнөт: 0(312) 22-15-58, 0(701) 02-23-59.