Орусияда 15 жыл мурда каза болгон адамдын өлүмүнө Кыргыз өлкөсүнүн жараны шектелүүдө

Орусиянын Мурманск шаарында адам өлтүрүүгө шектелип Кыргыз өлкөсүнүн жараны изделүүдө. Бул туурасында орусиялык ачык булактарда жазылат. Андагы маалыматка ылайык, киши өлтүрүү фактысы 2006-жылы катталган.

"Тергөөнүн версиясы боюнча көп кабаттуу үйдөгү батирлердин биринде эркек кишинин жансыз денеси табылып, ал киши колдуу каза болгон. Бул факты боюнча кылмыш иши ачылганы менен кылмыштын бети ачылбай келет. Бүгүнкү күндө Мурманск облустук тергөө кызматына билдирүү түшүп, анда кылмышка 45 жаштагы Муззофар Пазылов аттуу Кыргыз өлкөсүнүн жараны шектелип жатканы кабарланды.

Аты аталган жарандын жүргөн жери азырынча аныктала элек. Мындан улам полиция кызматкерлери шектүү делинген жаран туурасында маалымат билгендерден жардам сурайт", - деп жазылат басылмаларда.