Тышкы иштер министри Руслан Казакбаев Орусиянын өлкөдөгү элчиси Николай Удовиченко менен жолугушту

Тышкы иштер министри Руслан Казакбаев Орусия Федерациясынын Кыргыз Республикасындагы атайын жана ыйгарым укуктуу элчиси Николай Удовиченко менен жолугушту.

Тараптар Кыргыз-Орусия эки тараптуу кызматташтыгынын актуалдуу маселелерин, эл аралык уюмдардын алкагындагы өз ара аракеттенүүнү талкуулашты, регионалдык коопсуздук маселелери боюнча пикир алмашышты, ошондой эле жогорку деңгээлдеги тышкы саясий иш-чараларды уюштуруу боюнча келерки жылга пландарды талкуулашты.

2022-жылы Кыргыз өлкөсү менен Орусиянын ортосунда дипломатиялык мамилелердин түзүлгөндүгүнүн 30 жылдыгына чоң маани берип, тараптар тарыхый датага карата биргелешкен иш-чараларды уюштуруу зарылдыгын белгилешти.

Маектештер Кыргыз-Орусия мамилелерин союздаштык жана стратегиялык өнөктөштүк духунда бекемдөө максатында мындан аркы активдүү өз ара аракеттенүүгө даяр экендиктерин билдиришти.