Жылнаама, 14-ноябрь: 1954-жылы АКШнын 66-мамлекеттик катчысы Кондолиза Райс туулган

*1954-жылы (59 жыл мурун) 2001-2005-жылдары АКШнын президентинин улуттук коопсуздук боюнча кеңешчисинин милдетин аркалаган Кондолиза Райс Алабама штатындагы Бирмингем шаарында туулган. Жаш чагынан саясатка кызыгып, эл аралык мамилелер боюнча Жозеф Корбелден сабак алат. 1970-жылы 19 жашында Ыйык Мария академиясын бүтүрүп, саясий илимдер боюнча бакалавр даражасын алат.

1975-жылы Денвер университетинде магистратуралык диссертациясын коргоп, өзүнүн тырышчаактыгын көрсөтө алган. 1981-1987-жылдары Стэндфорд университетинде доцент болуп иштеген. Бул Райстын биринчи академиялык кызматы болуп саналат. АКШнын тарыхындагы саясатта таасири күчтүү аялдардын катарын толуктагандардын бири. Форбс журналы эки жолу (2004-2005-жылдары) дүйнөдөгү эң белгилүү жана таасири күчтүү аял деп аталган. 

“Кондини колдойбуз” аттуу шайлоочулардын бирикмеси Кондолиза Райстын 2008-жылы президенттик шайлоого катышуусун айтып чыгышкан. 2009-жылы Кондолиза Райс Стэндфорд университетинде иштеп баштайт. 2012-жылы аталган окуу жайда Политология факультетинде профессор катары сабак берип келет. 

*1939-жылы  (74 жыл мурун) Кыргыз ССР Кино жана кинотрест башкармалыгы республикалык кинофестиваль өткөрүү туурасында чечим чыгарган.

*2003-жылы (10 жыл мурун) "ММК колдоо борбору" басмаканасынын салтанаттуу ачылышы болгон. Ошол күндөн тартып Кыргызстанда толук түстүү гезиттер жарык көрө баштаган.

*2006-жылы (7 жыл мурун)  оңдоо иштерине 5 миллион сом сарпталган президенттик Ту-154 учагы өлкөнүн расмий делегациясын чет өлкөлөргө ташуу үчүн ишке киришет. 

13-ноябрда жогоруда айтылгандардан тышкары Кыргызстанда жана дүйнөдө бир топ маанилүү окуялар камтылган. Жылнаама толугу менен бул жакта...