"Үзүрлүү эмгегиңер элибиздин урматына ээ болсун". Камчыбек Ташиев прокуратура кызматкерлерин куттуктады

Бүгүн, 20-ноябрда "Ала-Арча" мамлекеттик резиденциясында президент Садыр Жапаровдун катышуусунда прокуратура кызматкерлеринин күнү белгиленди.

Анда УКМКнын төрагасы Камчыбек Ташиев прокуратура кызматкерлерин куттуктады.

"Прокуратура органдары укук тартипти жана мыйзамдуулукту бекемдөөнүн башында турган негизги мамлекеттик кызмат катары өзүнүн ишмердүүлүгүн көрсөтүп келүүдө. Прокуратура түзүлгөн мезгилден ушул күнгө чейин Кыргыз мамлекетиндеги бийлик тутумундагы маанилүү институттардын бири экени далил. Прокуратура органдары мыйзамдарды аткарууга жогорку көзөмөл жүргүзүү менен мыйзамдуулукту жана укук тартибин чыңдоого чоң салым кошуп талыкпас эмгек кылып келет. Үзүрлүү эмгегиңер элибиздин урматына жана колдоосуна ээ болсун", - дейт ал.