Өкмөт үйүнүн алдында гепатит менен ооругандар митингге чыгышты

Бишкекте өкмөт үйүнүн алдында гепатит оорусу менен жабыркагандар митингге чыгышты. Митингге чыккандар "Гепатитке жол жок", "Жашаш үчүн дары керек", "Дарыларды мамлекет камсыздоого алсын" деген жазуулары бар плакаттарды көтөрүп чыгышты.

"Өкмөт үйүнүн алдына гепатит менен ооругандар келип отурабыз. Биздин өлкөдө гепатология борбору ачылып, дары-дармек, вакцина маселеси чечилбесе гепатит оорусу көбөйүп жатат. Бүгүнкү күндө аталган оору менен ооруп жаткандар каралбай калууда", - деп билдирди митингге чыккандардын бири.