"Тоо арасынан көк бөрү көрөт". Валентина Шевченко Кочкорго барат

UFC уюмунун чемпиону Валентина Шевченко 27-ноябрда Нарын облусунун Кочкор районуна барат. Бул тууралуу SUPER.KG порталына эмгек сиңирген машыктыруучу, Нарын облусунун Көк бөрү федерациясынын президенти Эмил Токтогонов билдирди.

"Эртең, буюрса, Валентина Шевченко болуп Кочкор эли менен жолугушууга барабыз. Шевченко буга чейин дагы Кочкорго барып жүргөн. Кочкордо биздин спортчулар көп. Валентина Шевченко алар менен, Маданият үйүндө Кочкор эли менен жолугушуу өткөрөт. Андан кийин Кара-Суу айылына барып, тоо арасында чыныгы көк бөрүнү көрөбүз.

Буга чейин Хабиб Нурмагомедовго ипподромдо заманбап көк бөрү көрсөтүлгөн. Мында болсо тоо арасында чыныгы көк бөрү көрсөтүлөт. Кочкордон ары Ысык-Көлгө жөнөйбүз", - деди Токтогонов.

Буга чейин Валентина Шевченконун Жалал-Абад облусуна дагы барышы мүмкүн экени айтылган.

Валентина Шевченко Кыргыз өлкөсүнө 22-ноябрда келген.