Адахан Мадумаров: "Аты-жыты жок партиялар "Бүтүн Кыргызстандан" эки эсе көтөрүлүп кеткенине түк акылым жетпей жатат"

"Бүтүн Кыргызстан" партиясынын лидери Адахан Мадумаров шайлоонун жыйынтыгы боюнча оюн билдирди.

"Шайлоонун жыйынтыгын эки тараптуу карап жатам. Биринчиден элибиз тараптан өтө чоң кайдыгерлик. БШК айтып жатпайбы, элди ташыбай калып ушунча гана адам шайлоого келди деп. БШК шайлоону жыйынтыктап жатканда 1 миллион 200 миң киши катышканын баарыбыз эле көрүп жаттык да. Анан эле төрт партиянын добуштарын эсептегенде алардыкы эле бир миллиондон ашып кетти. Ошондуктан бул жерде чоң бир балекет болот, ошол үчүн байкаш керек.

Биз былтыркы эле алган добушту алдык. Маселе башкада, кечээ эле пайда болуп, аты-жыты жок, эч кандай мындай үгүп иштерин жүргүзбөгөн партиялар "Бүтүн Кыргызстандан" эки эсе көтөрүлүп кеткенине түк акылым жетпей жатат. Аларга ким добуш берди? Кээ бир жерлерден сурасак ошол партиянын жетекчисин билбейт, анан кантип добуш беришти", - деди Мадумаров.