Украиналык саясатчы Александр Лукашенко Украинага согуш жарыялаганын айтып чыкты

Украинанын Жогорку Радасынын мурдагы депутаты Тарас Черновол Беларусь лидери Александр Лукашенко Украина менен мүмкүн болгон жаңжалда Орусияны колдоо билдирүүсү менен Киевге согуш жарыялаганын билдирди. Бул тууралуу чет элдик басылмалар жазып чыгышты.

Маалыматка ылайык, буга чейин Лукашенко РИА Новости басылмасына берген маегинде эгер Украина тарап Орусияга аскердик агрессия көрсөтсө, Минск чыгыштагы коңшусу тарапта болорун баса белгилеген. Анда ал Крым 2014-жылдагы референдумдан кийин Орусиянын аймагы экенин айткан.

Черновол бул билдирүүлөрдү сынга алып, Лукашенконун Крым тууралуу сөздөрү Украинага түз сокку экенин белгилеген. Анын пикиринде, Киев Минсктен дипломаттарды чакыртып алуусу керек. Ошондой эле дипломатиялык миссиянын статусун убактылуу жактоочунун деңгээлине түшүрүшү керек.

"Беларусь президенти чындап эле согуш жарыялады. Эгерде ал Москва Украинага кандайдыр бир акылга сыйбаган себептер менен кол салуу жасаса, колдоо көрсөтөрүн жарыялады", - деген Черновол.