Ысык-Ата районунун аймагында кылмыштуулуктун алдын алуу иш-чаралары өткөрүлүүдө

Ысык-Ата районунун аймагында кылмыштуулуктун алдын алуу иш-чаралары өткөрүлүүдө. Бул тууралуу облустук милициядан билдиришти.

Маалыматка ылайык, 3-декабрь күнү Ысык-Ата РИИБинин кызматкерлери тарабынан Кант шаарынын жана Нурманбет айылынын жашоочулары менен кылмыштуулуктун алдын алуу иштери жүргүзүлдү.

Кант шаарынын жана Нурманбет айылынын жашоочулары менен болгон жолугушууда кылмыштуулуктун алдын алуу жана тартип бузууларды болтурбоо максатында жеригиликтүү тургундар менен жолугушуулар өткөрүлүп, өспүрүмдөргө ар дайым көзөмөл кылуу маселеси айтылып, андан сырткары кылмыштуулуктун курмандыгы болуп калбоо үчүн жөнөкөй эрежелер эскертилди.

Иш-чара учурунда өспүрүмдөр катышкан жол кырсыктарын алдын алуу максатында балдарга жол эрежелерин сактоо боюнча түшүндүрүү иштери жүргүзүлүп, жөө өтмөктөн өтүүдө ар дайым сак болуу керектиги айтылды. Мындай иш-чаралар Ысык-Ата районунун аймагында тынымсыз жүргүзүлүп, жарандарга бөөдө кырсыктардан алыс болуу жана кылмыштуулуктун курмандыктары болуп калбоосу үчүн ар дайым зарыл кеңештер берилүүдө.