Супер-Инфо
super.kg видео
Дыйкандар, фермерлер, ишкерлер салыктан бошотулат. Садыр Жапаров жарлык чыгарды
Өлкө башчы Садыр Жапаров дыйкандарды жана фермерлерди жер салыгынан бошотот. Бул туурасында билдирүү президенттин социалдык тармактагы баракчасына жарыяланды.
"Бүгүн мен айыл чарбасына байланыштуу жарлык чыгардым. Бул жарлыкка ылайык, дыйкандар менен фермерлер жер салыгынан бошотуласыздар. Бул иш аз да болсо сиздерге жеңилдик берүү, дыйканчылыкты колдоо максатында болуп жатат. 2022-жылдын 1-январынан баштап сугат жер, кайрак жер, жайыт жана чөп чабыш жерлерге салык төлөбөйсүздөр. Сиздер төлөй турган салыкты өкмөт республикалык казынадан төлөп турабыз. Мындан сырткары келе жаткан жылы дыйкандар менен фермерлерге жылдык 6 пайыз менен насыяларды бере баштайбыз. Албетте, бир жылда бардык дыйкандар менен фермерлерди насыя менен толук камсыз кыла албайбыз. Буюрса, биздин эсеп боюнча, алдыдагы 3-4 жылда барыңыздарды толук камсыз кылууга жетишебиз.
Биздин негизги максатыбыз сиздерге шарт түзүп берип, мамлекетти тамак-аш коопсуздугу менен камсыз кылуу.
Буга чейин жерлерибиздин көпчүлүк бөлүгү айдалбай, эч нерсе себилбей келген. Мындан ары бир гектар сугат жер болсо да айдалбай калбаш керек. Жергиликтүү бийликтегилер - айыл өкмөт, аким, президенттин облустардагы өкүлдөрү, бул маселеге керт башыңар менен жооп бересиздер. Ошондуктан азыртадан катуу көңүл буруңуздар. "Айыл Банк" жана "РСК Банк" менен тыгыз иштей баштаңыздар.
Тамак-аш коопсуздугу дейбиз. Эгер өз жерибизде айдап, эгин экпесек кайдагы тамак-аш коопсуздугу? Азыр көпчүлүк тамак-ашты импорт кылып жатабыз. Тескерисинче, экспортко чыгарып турганга жетишибиз керек. Ал үчүн сиздерге болгон күчүбүздү аябай жардам беребиз. Өз кезегинде сиздер да колуңуздарга тийген насыяны башка жакка жумшабай, максаттуу пайдаланып, мамлекетке жардам беришиңиздер керек.
Мындан сырткары жылдык кирешеси 8 миллион сомго жетпеген ишкерлерди салыктардын бардык түрүнөн бошоттук. Социалдык фонд менен киреше салыгынан башкасын.
Жылдык жүгүртүмү 8 миллион сомдон ашса гана салык төгүшөт. Бул дагы ылдыйкы катмардагы бизнес менен алектенгендер үчүн өкмөт тараптан материалдык колдоо жана ыңгайлуу шарттарды түзүп берүү болуп саналат", - деп айтылат билдирүүдө.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
20:12
2025-07-23
14:35
2025-07-23
Рейтинг: 
4
4
Ден соолук,ыйман берсин кудайым!
Эрте жаздан кар калын кышка чейин жайыттар мал-койдун туягы астында тебеленип, илгеркидей жайытты коруган эч ким жок, чоп которулуп осуп уругун того албай, жайыттар такырланып, чоп ордуна тикен осуп кобойуп жатканы же кызыктырабы Жапаровду?! Вряд ли.
Бир жашылча же жемишти Оруссияга алып баруу учун 99 турдуу документ кетет. Дыйкан талаасын карайбы же 99 турдуу документтин артынан чуркайбы?!