Декларация: Акылбек Жапаровдун бир гана батири бар

Финансы министрлигине караштуу Мамлекеттик салык кызматы мыйзамга ылайык, өзүнүн расмий сайтында Бирдиктүү салык декларациясын тапшырган мамлекеттик жана муниципалдык кызматкерлердин кирешелери, чыгашалары жана мүлкү жөнүндө жыйынды маалыматтарды жарыялай баштады.

Ага ылайык, министрлер кабинетинин төрагасы Акылбек Жапаров былтыр 815 миң 357 сом киреше тапкан. Декларацияда 77,5 чарчы метрди түзгөн бир гана батирге ээлик кылгандыгы жазылган. Жакын туугандары 96 миллион 745 миң 719 сом киреше табышкан. Алардын жети унаа менен беш контейнери бар экендиги көрсөтүлгөн.

Унаалары:

Мерседес-Бенц 210;
Мерседес-Бенц 410;
Мерседес-Бенц 409;
Мерседес-Бенц 208;
Мерседес-Бенц 811;
Мерседес-Бенц 7100;
Мерседес-Бенц 308.

Контейнерлери:

Контейнер - 22,7 чарчы метр;
Контейнер - 1026,6;
Контейнер - 192;
Контейнер - 1021,7;
Контейнер - 67,6.