Блогер Даванын видеосу. Абакта жаткан Айнуранын апасына Юстиция министрлиги жардам берет

Юстиция министрлиги Айнуранын түрмөдө отурган апасына укуктук жардам берет. Бул тууралуу аталган министрликтин маалымат кызматынан билдиришти.

"Азыркы учурда министрлик Айнуранын апасынын жана Ак үйдүн алдына пикетке чыккан аялдын ишин карап жатат. Юстиция министрлиги ушул жана башка иштер боюнча көйгөйлүү кырдаалдарга мониторинг жүргүзөт жана мүмкүн болгон юридикалык колдоо көрсөтүү үчүн жардам берет", - деп жазылат маалыматта.

Блогер кыргыз кызы менен болгон маектешүүсүндө ал апасы абакта экенин анын карыздарын төлөп жана үй-бүлөсүн акча менен камсыз кылыш керектигин айтып ыйлаган. Мындан улам блогер Кыргыз өлкөсүнө келип кыздын карыздарын төлөп, апасын абактан чыгарууга жардам берерин айткан.

Ал эми бүгүн, 7-декабрда блогер Давид Манукян Дубай шаарына эс алууга жолдомо жана Айфон 13 үлгүсүндөгү уюлдук телефон белек кылган Кыргыз жарандары менен Дубай шаарына кетишкен.