Эл аралык өспүрүмдөр олимпиадасында бишкектик окуучу коло медалга ээ болду

Эл аралык өспүрүмдөр олимпиадасында математика боюнча бишкектик окуучу Фёдор Корнияш коло медалды жеңип алды. Бул тууралуу Билим берүү жана илим министрлигинен билдиришти.

Маалыматка ылайык, Фёдор Корнияш 40 баллдын ичинен 38 балл топтоп, коло медаль алууга жетишкен.

Белгилей кетсек, 6-декабрдан 9-декабрга чейин Азербайжандын Баку шаарында «Таланттарды даярдоо лабораториясы» аталышындагы IV Математика, физика жана химия боюнча эл аралык өспүрүмдөр олимпиадасы болуп өттү.

Кыргыз өлкөсүнөн барган команданын курамында төмөнкү окуучулар болгон:

1. Ош облусунун Алай районуна караштуу Гүлчө айылындагы Т.Жумабаев атындагы орто мектептин 9-классынын окуучусу Аймончок Абдигапарова;

2. Бишкек шаарынын №61 автордук физика-математика мектеп-лицейинин 7-классынын окуучусу Фёдор Корнияш;

3. Чыңгыз Айтматов атындагы Бишкек лицейинин 9-классынын окуучусу Бектур Баратали.