Садыр Жапаров Карл Нехаммерди Австрия Республикасынын федералдык канцлери кызматына киришүүсү менен куттуктады

Президент Садыр Жапаров Карл Нехаммерди Австрия Республикасынын федералдык канцлери кызматына киришүүсү менен куттуктады. Бул тууралуу президенттик администрациянын маалымат кызматынан билдиришти.

«Сиздин эбегейсиз зор тажрыйбаңыз, кайраттуулугуңуз жана кесипкөйлүгүңүз мындан ары да өлкөңүздүн өнүгүшүнө өбөлгө болот деп ишенем.

Эки өлкөнүн ортосундагы дипломатиялык мамилелердин түзүлгөндүгүнүн отуз жылдыгынын алдында өкмөт башчысы катары сиздин ишмердүүлүгүңүз Кыргызстан менен Австриянын ортосундагы өз ара пайдалуу кызматташтыкты мындан ары да өнүктүрөт деп ишеним артам.

Кыргыз Республикасы мамлекеттер аралык мамилелердин чыңдалышына жана өнүгүшүнө салым кошо турган көп кырдуу кызматташтыкты тереңдетүүгө кызыкдар деп билдирем.

Туризм, жашыл экономика, мөңгүлөрдү сактоо жана климаттын өзгөрүшүнө ыңгайлашуу жаатында өз ара аракеттенүүнү күчөтүүнү сунуштайм», — деп белгиленет куттуктоо телеграммасында.

Садыр Жапаров Карл Нехаммерди Жаңы 2022-жыл менен куттуктап, ага чың ден соолук жана жооптуу ишине ийгиликтерди каалады.