Чолпон-Атада майнинг ферма уюштуруп, электр жарыгын уурдоо: РЭС башчысы канча чыгым келтиргени аныкталды

Ысык-Көл облусунун Чолпон-Ата шаарында райондук электр тармактарынын башчысы тарабынан криптовалютаны өндүрүү үчүн майнинг ферма уюштурган райондук электр тармактарынын башчысы жалпы 1 миллион 17 миң сом зыян келтирген. Бул тууралуу "Чыгыш электр" ачык акционердик коомунан билдиришти.

"Мыйзамсыз кошулган майнинг-ферманын келтирген зыянынын суммасы 1 миллион 17 миң сомду түздү. Учурда каражаттын ордун толтуруу боюнча тиешелүү чаралар көрүлдү. Ошондой эле "Чыгыш электр" ААК алдыда мындай мыйзам бузууларды болтурбоо максатында ишкананын кызматкерлери арасында түшүндүрүү иштерин жүргүзүүдө", - деп жазылат билдирүүдө.

8-декабрда УКМК Чолпон-Ата шаарында райондук электр тармактарынын башчысы тарабынан криптовалютаны өндүрүү үчүн майнинг ферма уюштуруу фактысы аныкталганын билдирген.