Быйыл кант кызылчасы былтыркыга караганда 19 пайызга аз жыйналды

Республика боюнча 23-ноябрга карата 577 миң гектар аянттан кылкандуу дан эгиндери жыйналып, 1 миллион 400 миң тонна дан бастырылды. Бул былтыркы жылга салыштырмалуу 29 пайызга аз. Мындай маалымат Улуттук статистика комитетинин расмий сайтына жарыяланды.

Маалыматка ылайык, сугат суунун жетишсиздигинен жана күндүн катуу ысышынын себебинен дан эгиндеринин түшүмү азайган.

Өткөн жылга салыштырмалуу:

• Буудайдын түшүмү 42 пайызга;
• Арпаныкы 46 пайызга кыскарды.

Ал эми:

• май өсүмдүктөрүнүн жыйымы - 25,4 пайызды түздү.
• кант кызылчасы - 19 пайыз;
• бакча өсүмдүктөрү - 14 пайыз;
• мөмө-жемиш өсүмдүктөрү - 3,9 пайыз;
• жүгөрү - 3,3 пайыз;
• картошка - 2,9 пайызга төмөндөдү.