Бишкекте 29 жаштагы Солто Сталбек уулу дайынсыз болуп изделүүдө

Бишкекте 29 жаштагы Сталбек уулу Солто дайынсыз болуп изделүүдө. Бул тууралуу Свердлов РИИБинин басма сөз кызматынан билдиришти.

Ушул жылдын апрель айында милицияга шаар тургуну кайрылып, уулу Солто Сталбек уулу 22-апрель күнү саат 18:00 чамасында борбордогу Учкун кичи районундагы үйдөн чыккан боюнча дайынсыз болуп жатканын айтып кайрылган.

Бул факты Кылмыштардын бирдиктүү реестрине катталып, издөө иштери башталган.

Өзгөчө белгилери: Бою 170-175 сантиметр, чачы кара.

Кимде ким сүрөттөгү жаранды көрүп билгендер болсо, төмөнкү номерлерге чалып коюуну милиция кызматкерлери өтүнөт.

Байланыш телефону: 0 702 49-88-88, 0 772 84-73-36, 0 557 11-94-10, 0 709 33-24-63 жана 102.