"ПСЖ" клубу "Реал Мадрид" менен. Чемпиондор Лигасында кайрадан өткөрүлгөн чүчү-кулактын жыйынтыгы жарыяланды

Чемпиондор Лигасынын 1/8 финалы үчүн кайрадан өткөрүлгөн чүчү-кулактын жыйынтыгы жарыяланды. Бул тууралуу чет элдик спорт басылмалары жазып чыгышты.

Экинчи жолу өткөрүлгөн чүчү-кулактын жыйынтыгы алгачкысынан бир топ айырмалуу. Алар төмөнкүдөй:

"Зальцбург" - "Бавария"

"Спортинг" - "Манчестер Сити"

"Бенфика" - "Аякс"

"Челси" - "Лилль"

"Атлетико Мадрид" - "Манчестер Юнайтед"

"Вильярреал" - "Ювентус"

"Интер" - "Ливерпуль"

"ПСЖ" - "Реал Мадрид"

Эске салсак, алгачкы жыйынтык атаандаш командаларды аныктоодо эреже бузулду деген негизде жокко чыгарылган.

1/8 финалдык баскычтагы алгачкы беттештер 15-16 жана 22-23-февраль күндөрү орун алат. Ал эми оюндардын экинчи бөлүгү 8-9 жана 15-16-мартта болот. Чемпиондор Лигасынын 2022-жылдагы сезонунун финалдык беттеши 29-майда Орусиянын Санкт-Петербург шаарында өтөт.